![](https://360.scdn8.secure.raxcdn.com/ased/sites/4/2023/11/gofod@ogwen.org_-640x396.jpg?0)
![](https://360.scdn8.secure.raxcdn.com/ased/sites/4/2023/11/20231009_101529-225x139.jpg?0)
![](https://360.scdn8.secure.raxcdn.com/ased/sites/4/2023/11/20231009_103501-225x139.jpg?0)
![](https://360.scdn8.secure.raxcdn.com/ased/sites/4/2023/11/Untitled-design-26-225x139.jpg?0)
Fel rhan o’r gwaith adnewyddu yng Nghanolfan Cefnfaes, mae Partneriaeth Ogwen yn lansio’r Gydweithfa – gofod cydweithio modern, cyfforddus.
Mae’r Gydweithfa yn cynnig amgylchedd cynnes a chyfleus i weithwyr llawrydd, entrepreneuriaid, a gweithwyr cartref sy’n chwilio am le i weithio’n hyblyg yng nghanol Dyffryn Ogwen.
Mae’r gofod ar ei newydd wedd yn cynnig desgiau unigol gyda chysylltiadau band eang cyflym i wneud eich diwrnod gwaith mor gynhyrchiol â phosibl, wrth gynnig seibiant o’r swyddfa gartref.
Yn ogystal, mae gennym gegin a rennir lle gallwch fwynhau te a choffi am ddim a defnyddio’r cyfleusterau yn ôl yr angen.
Gellir prynu tocynnau diwrnod llawn neu hanner diwrnod drwy’r ddolen yma, lle byddwch hefyd yn dod o hyd i’n llawlyfr gyda rhagor o fanylion am y cyfleusterau a pholisïau.
O rŵan tan ddiwedd 2023, bydd tocynnau yn hanner pris – £5 am docyn diwrnod a £2.50 am docyn hanner diwrnod. Yn ogystal, mae croeso i unrhyw un ddod i roi cynnig ar y cyfleusterau ar gyfer diwrnod prawf am ddim – cysylltwch â gofod@ogwen.org i ddarganfod mwy a threfnu i ddod draw.