![](https://360.scdn8.secure.raxcdn.com/ased/sites/4/2023/03/Copy-of-Gofod-Gwneud-Dyffryn-Ogwen-2-640x396.png?0)
![](https://360.scdn8.secure.raxcdn.com/ased/sites/4/2023/03/20230228_184823-142x88.jpg?0)
![](https://360.scdn8.secure.raxcdn.com/ased/sites/4/2023/03/20230228_175810-142x88.jpg?0)
![](https://360.scdn8.secure.raxcdn.com/ased/sites/4/2023/03/20230228_182459-142x88.jpg?0)
![](https://360.scdn8.secure.raxcdn.com/ased/sites/4/2023/03/20230228_180241-142x88.jpg?0)
Cafodd Clwb Gwnïo Gofod Gwneud sesiwn wych wythnos yma yn swyddfeydd Dyffryn Gwyrdd ar Stryd Fawr Bethesda.
Ymunodd nifer o bobl a oedd yn gwbl newydd i wnïo i ddysgu sut i ddefnyddio’r peiriannau i roi cynnig arni, yn ogystal â rhai sydd wedi gwnïo o’r blaen ond angen adnewyddu.
Daeth pobl i ymuno â ni hefyd a oedd â phrosiectau ar y gweill yr oedd angen help arnynt i’w cwblhau – gan gynnwys trawsnewid hwdi yn wisg colomennod ar gyfer Diwrnod y Llyfr!
Byddwn yn cynnal sesiynau agored wythnosol ar nos Fawrth o 5pm tan 7pm yn Swyddfeydd Dyffryn Gwyrdd (27 Stryd Fawr, Bethesda). Galwch heibio i’n gweld os oes gennych ddiddordeb mewn dysgu – neu hyd yn oed os oes gennych brofiad gwnïo yr hoffech ei rannu ag eraill.
Cysylltwch â gofod@ogwen.org am fwy o wybodaeth.