Pwy sy’n dŵad nos Sadwrn?

Mae criw gweithgar Carnifal Bethesda wedi llwyddo i gael gafael ar Siôn Corn, ac mae o wedi cadarnhau pryd y bydd o’n dŵad o amgylch cymunedau’r ardal bnawn a nos Sadwrn.

Fel y mae pawb yn gwybod, mae taith Siôn Corn wedi dod yn ddigwyddiad pwysig yn Nadolig dros y blynyddoedd diwethaf, a diolch i griw Carnifal Bethesda am eu gwaith caled yn sicrhau amser yn nyddiadur llawn y dyn ei hun.

Mewn neges ar y cyfryngau cymdeithasol, mae Carnifal Bethesda yn cadarnhau’r amserlen.

“Wedi gael gafael ar Siôn Corn o’r diwedd, ac mi fydd o’n mynd o amgylch Dyffryn Ogwen rhwng 4.30 a 7.30 dydd Sadwrn yma!”

“Cadwch lygaid allan amdano. Mi fydd Canolfan Cefnfaes yn agor o 7yh yn barod pan ddaw Siôn Corn yn ôl oddi ar ei daith – fydd paneidiau a mins peis ar gael.”

Mae amcan amseroedd wedi eu nodi ar dudalen Facebook y Carnifal, ond mi allent newid. Felly’r cyngor ydi i gadw golwg ar y negeseuon byw ar Facebook i weld lle fydd Siôn Corn arni ar ei daith. Ond fel bras amcan, yr amseroedd sydd wedi eu nodi ydi:

4:30pm – Plas Ogwen

4:35 – Gernant (Braichmelyn)

4:40 – Abercaseg, top Llawr y Nant a Glan Ffrydlas

4:45 – Maes y Garnedd / Adwy’r Nant via Glan Ffrydlas

4:50 – Hen Sbar Gerlan

5:00 – Ciltrefnus (Rownd Pitch)

5:10 – Ffordd Ffrydlas ac Ysgol Pen Y Bryn

5:15 – Carneddi (Heibio Siôr)

5:20 – Meithrinfa Ogwen / Tan y Gaer

5:25 – Plas Ffrancon

5:35 – Llain Y Pebyll (Heibio Bangor Road)

5:45 – Tregarth (Tanrhiw/Bro Syr Ifor)

5:50 – Sling (Godre’r Parc)

6:00 – Mynydd (Neuadd Goffa)

6:05 – Maes Ogwen Tregarth

6:20 – Rhiwlas (Troi yn Bro Rhiwen)

6:30 – Pentir (Vaynol)

6:40 – Caerhun

6:45 – Glasinfryn

6:55 – Llandegai (Castell Penrhyn)

7:00 – Tal Y Bont (Groeslon Lôn Ddŵr)

7:10 – Sgwâr Llanllechid

7:15 – Sgwâr Rachub

7:20 – Maes Bleddyn heibio Ystad Coetmor

7:25 – Erw Las

7:30 – Canolfan Cefnfaes

Am y diweddaraf, cofiwch ddilyn cyfrif Facebook Carnifal Bethesda.