Mae rhannau o ardal Bethesda heb gael casgliad ailgylchu a gwastraff bwyd heddiw (27/12/21).
Mewn neges ar y cyfryngau cymdeithasol, dywedodd y Cyngor na fu modd cwblhau casgliadau yn yr ardal. Doedd dim casgliadau bin olwyn gwyrdd i fod heddiw beth bynnag.
Aeth y neges ymlaen i egluro:
“Bydd ein timau yn gwneud pob ymdrech i ddychwelyd i’w casglu o ddydd Mercher ymlaen, a gofynnwn i drigolion i’w gadael allan mewn man cysgodol os yn bosib.
“Ymddiheurwn am unrhyw drafferth.”
Yn y cyfamser, mae modd trefnu slot amser i fynychu canolfannau ailgylchu Gwynedd a fydd ar agor o ddydd Mercher.