gan
Carwyn
Gyda 2024 yn bwrw ymlaen ar wib, mae’r paratoadau ar gyfer Carnifal Bethesda eleni hefyd yn dod yn eu blaenau’n dda.
Arwydd clir o hynny ydi’r ffaith fod y pwyllgor wedi agor ceisiadau ar gyfer teulu brenhinol 2024.
Mae sawl rôl ar gael – Brenhines a Brenin ar gyfer plant oed cynradd (blynyddoedd 3-6), a Thywysog a Thywysoges (plant cynradd (oed derbyn i flwyddyn 2). Mae’r pwyllgor hefyd yn chwilio am geisiadau llysgennad gan ddisgyblion oed uwchradd (blynyddoedd 7 i 11) a fydd yn gyfle i gynrychioli lleisiau Dyffryn Ogwen i geisio taclo rhwystrau’n lleol.
Felly, os oes gennych chi neu aelod o’r teulu ddiddordeb bod yn rhan, mi fyddai Pwyllgor Carnifal Bethesda yn falch iawn o dderbyn eich cais. Bydd gofyn cwblhau ffurflen gais (ar gael ar dudalen Facebook y Carnifal). Gellir cyflwyno drwy negeseuon Facebook, neu drwy e-bostio carnifalbethesda@gmail.com
Mi fydd copïau papur o’r ffurflenni cais, sy’n cynnwys manylion am bob rôl ar gael o Swyddfa Partneriaeth Ogwen ac ysgolion y dalgylch.
Cofiwch gyflwyno eich cais erbyn y dyddiad cau: 26/02/2024.