gan
Carwyn
Cofiwch y bydd Siôn Corn a’i gorachod yn teithio ar hyd a lled cymunedau Dyffryn Ogwen nos Lun yma, 13 Rhagfyr!
Mae’r daith a’r gweithgareddau wedi eu trefnu gan Bwyllgor y Carnifal. Bydd manylion amseroedd y mae disgwyl i’r dyn ei hun deithio yn cael eu rhestru ar dudalen Facebook y Carnifal.
Bydd y daith yn cychwyn am 4.30pm ac mae croeso hefyd i chi fynd draw i ganu carolau gyda Chôr y Penrhyn y tu allan i Ganolfan Cefnfaes am 7pm. Bydd diodydd a da-das i’r plant, a gwin cynnes i’r oedolion!
Felly cofiwch godi llaw a byhafio nos Lun os ydych chi eisiau anrhegion fore ’Dolig!