gan
Carwyn
Gyda Phlas Garnedd wedi eu penodi yn ddarparwr gofal cartref ar gyfer ardal Dyffryn Ogwen, mae’r cwmni yn gwneud apêl am staff.
Felly os ydych chi’n byw yn ardal Bethesda, Tregarth, Rhiwlas ac Abergwyngregyn, ac eisiau gweithio ym maes gofal, mae cwmni Plas Garnedd eisiau clywed gennych chi.
Wrth apelio am ddarpar aelodau staff, mae’r cwmni yn dweud fod trefn newydd ar gyfer staff y sector gofal.
“Ffordd newydd o weithio ym maes gofal cartref,” meddai neges ar Facebook gan Blas Garnedd.
“Byddwch yn cael eich talu am y shifft gyfan ac nid fesul galwad, yn cael eich talu ffioedd cofrestru blynyddol, hyfforddiant a chael eich cefnogi i ddatblygu eich gyrfa mewn gofal drwy gymwysterau cydnabyddedig.
“Cael eich talu i helpu’r rhai sydd ei angen yn eich cymuned.”
Felly os oes gennych ddiddordeb, cysylltwch ag Emma Josse drwy e-bostio emma@plasgarnedd.co.uk neu anfonwch neges i Blas Garnedd ar Facebook.