Catrin Wager a Hywel Williams AS (llun PC Arfon)
Yn dilyn ymgyrch diweddar o 3 ymgeisydd o Ddyffryn Ogwen, mae Catrin Wager wedi ei hethol yn ymgeisydd San Steffan Plaid Cymru dros dro yn sedd Arfon.
Hefyd yn y ras roedd y cynghorwyr sir, Beca Roberts a Paul Rowlinson.
Cynhaliwyd hystings lleol gyda’r cyfarfod olaf neithiwr yng Nghlwb Rygbi Bethesda cyn gwirio’r pleidleisiau’r aelodau.
Daw’r angen i ddewis ymgeisydd wedi penderfyniad Hywel Williams AS i ymddeol pan ddaw tymor presennol Senedd San Steffan i ben. Mae Plaid Cymru felly wedi cynnal proses o ddewis ymgeisydd i sefyll yn Arfon petai etholiad yn cael ei alw yn fuan.
I ddarllen mwy pam fod Catrin Wager wedi rhoi ei henw ymlaen, gwelwch yr erthygl yma o Ogwen360.