gan
Carwyn
Mae Clwb Rygbi Bethesda wedi cyhoeddi mai Andrew Williams fydd prif hyfforddwr y tîm cyntaf ar gyfer tymor 2023/24.
Daw hyn yn dilyn ymgyrch i chwilio am hyfforddwr newydd ar gyfer tîm Dol Ddafydd.
Wrth gyhoeddi’r penodiad, dywedodd y Clwb:
“Hapus iawn i gyhoeddi bod Andrew Williams wedi ymgymryd â rôl Prif Hyfforddwr Clwb Rygbi Bethesda.
“Mae cyn-chwaraewr Gaernarfon ac RGC yn dod â chyfoeth o brofiad i’r rôl ac yn cyd-fynd ag uchelgeisiau ein pwyllgor, chwaraewyr a chefnogwyr. Croeso cynnes Andrew.”
I gefnogi Andrew mae Darren Griffiths yn Hyfforddwr Ymosod a Llion Trefor yn Hyfforddwyr Amddiffyn. Huw Williams fydd y ffisio.
Rheolwr Tîm ydi Gareth Elis, gyda Gareth Evans a Gruff Elis-Williams yn Rheolwyr Tîm.
Pob lwc i’r hyfforddwyr a’r chwaraewyr ar gyfer y tymor i ddod.