gan
Carwyn
Ar ôl dathliadau Nadolig a mwynhau efo’r teulu, beth am fynd allan ar ddydd Mawrth, 27 Rhagfyr i hel arian at Carnifal Bethesda 2023?
Mi fydd yn groeso mawr i bawb i’r Ras Siôn Corn yn y digwyddiad teuluol. Dyma fydd y cyntaf o’i fath ym Methesda, ac mae pwyllgor y carnifal yn edrych ymlaen at groesawu chi gyd!
“Mae hwn yn ddigwyddiad teuluol go iawn a cyfle gwych i gael gwared o fins pei neu ddau,” yn ôl y trefnwyr.
“Mae’r llwybr 5km yn mynd â chi ar hyd Lôn Las Ogwen i Dregarth ac yn ol. Gallwch gerdded, loncian neu redeg y 5km a bydd pob un person yn derbyn het Siôn Corn eu hunain i wisgo ar y diwrnod.”
Bydd y cofrestru yn digwydd yng Nghae Rygbi Bethesda, o 10yb ac yna bydd y ras ei hun yn cychwyn am 11yb. Casglwch eich het Siôn Corn wrth gofrestru ac yna ar y diwedd cewch gynhesu gyda brechdan bacwn!
Mae croeso i bawb ddod draw i ymuno yn yr hwyl un ai fel cefnogwr neu i rasio.
Bydd modd cofrestru ar y diwrnod neu o flaen llaw yma.