gan
Carwyn
Mae rhai o rieni Dyffryn Ogwen wedi derbyn neges fuan y bore yma na fydd ysgol i’w plant heddiw.
Oherwydd y rhew, mae Ysgol Dyffryn Ogwen ar gau heddiw (16 Rhagfyr) felly hefyd safleoedd Abercaseg a Phenybryn ym Methesda ac Ysgol Bodfeurig.
Mewn neges ar safle we Cyngor Gwynedd, dywedir:
“Bydd Ysgolion Penybryn ac Abercaseg ar gau heddiw 16/12 oherwydd cyflwr y lonydd a’r safle.”
Neges debyg hefyd gan yr ysgol uwchradd yn nodi fod y “Safle yn beryglus oherwydd rhew”.
Diwrnod i swatio, ac o bosib i fwynhau ychydig ar y tywydd a chwilio am unrhyw eira i rai o blant a theuluoedd yr ardal. Ond cofiwch gymryd pwyll a chadwch yn ddiogel.
Am y diweddaraf am ysgolion yn cau ewch i wefan Cyngor Gwynedd.