Diwrnod agored Clwb Rygbi Bethesda

Cafwyd dechrau gwych i dymor newydd rygbi lawr ar gaeau Dol Ddafydd heddiw wrth i Glwb Rygbi Bethesda gynnal bore agored.

Roedd gweithgareddau amrywiol i chwaraewyr profiadol a newydd gyda chorlan gan dîm RGC yn gyfle hwyliog i fagu sgiliau.

Bu’n gyfle i rai ifanc fagu blas am y gêm wrth chwarae a gwneud ffrindiau newydd.

Mae’n amlwg wedi bod yn ddiwrnod llwyddiannus yn ôl neges gan y Clwb Rygbi ar eu tudalen Facebook.

“Diolch enfawr i’r holl hyfforddwyr, plant a rhieni ddaeth lawr i’r clwb bore ma ar gyfer ein diwrnod agored.

“Gobeithio eich bod chi i gyd wedi cael hwyl ac wedi mwynhau’r cyflwyniad i rygbi!”

Mae amseroedd hyfforddi ar gyfer yr holl dimau i’w gweld yn y lluniau.