Carnifal Bethesda 2022

Roedd dychweliad Carnifal Bethesda yn amlwg yn llwyddiant ysgubol gyda thorfeydd mawr yn mwynhau’r parêd a’r holl weithgareddau ar gaeau Dol Ddafydd.

Roedd yna wisgoedd gwych a lot fawr o wynebau hapus fel mae’r lluniau yma yn eu dangos.

Diolch i bawb sydd wedi rhannu hyd yma a chroeso i chi anfon unrhyw ddelwedd ac mi wnawn ni’n gorau i’w hychwanegu i’r oriel. Anfonwch nhw yn uniongyrchol i gyfrifon cyfryngau cymdeithasol Ogwen360 ar Twitter a Facebook.

Mae’n wych gweld cymaint o bobl allan yn cymdeithasu a chyd-fwynhau – mae ysbryd cymunedol yn fyw ac yn iach yma yn Nyffryn Ogwen.

Diolch hefyd i’r pwyllgor fu’n gwneud cymaint o waith dros y misoedd diwethaf i sicrhau fod y carnifal yn gymaint o lwyddiant. Ymlaen i 2023!