gan
Carwyn
Mae’r Ymddiriedolaeth Genedlaethol yn awyddus i glywed gan unrhyw un allai gynnig gwasanaeth arlwyo ym Mwthyn Ogwen.
Mewn neges ar eu cyfrif Facebook dywedodd yr ymddiriedolaeth:
“Rydym yn chwilio am arbenigwr arlwyo ar gyfer canolfan breswyl Bwthyn Ogwen ger Bethesda.
“Bydd y contractwr llwyddiannus yn darparu ar gyfer grwpiau o bobl ifanc sy’n aros yn y ganolfan i brofi’r dirwedd naturiol leol gyda’r Outward Bound Trust.
“Mae hwn fel arfer yn weithrediad o ddydd Llun i ddydd Gwener, gydag archebion trwy gydol y flwyddyn.”
Datganiad o ddiddordeb erbyn 30 Rhagfyr
Bydd angen i unrhyw un sydd am gael eu hystyried cyflwyno datganiad o ddiddordeb i’r Ymddiriedolaeth Genedlaethol erbyn 30 Rhagfyr.
Mae mwy o wybodaeth am y cyfle ac i gyflwyno datganiad o ddiddordeb ar gael yma. Os am sgwrs anffurfiol a mwy o fanylion, cysylltwch â Trystan Edwards ar 07779 222180.