gan
Carwyn
Wedi noson o eira trwm, mae nifer o ysgolion yr ardal ar gau eto heddiw.
Mae rhybudd tywydd yn ei le tan 9am ac eira yn parhau i ddisgyn felly mae nifer o rieni eisoes wedi cael cadarnhad na fydd ysgol heddiw.
Hyd yma mae cadarnhad fod Ysgol Dyffryn Ogwen, Ysgol Abercaseg a Phenybryn, Ysgol Rhiwlas, Ysgol Bodfeurig, Ysgol Tregarth ac Ysgol Llanllechid ynghau heddiw.
Mae negs hefyd ar wefan y Cyngor yn nodi fod Llyfrgell Bethesda ar gau heddiw oherwydd yr eira.
Mae cyngor cyffredinol hefyd i bobl gymryd gofal os oes rhaid gadael y tŷ.
Mewn neges ar Facebook, mae Traffig Cymru yn cynghori modurwyr i fod yn bwyllog.
“Mae’n debygol y bydd risg uwch o sgidio a llai o welededd. Ystyriwch, oes angen teithio?
“Os felly cymerwch y camau hyn:
🗺 edrychwch ar y rhagolygon a’r wybodaeth traffig ddiweddaraf cyn cychwyn
⌚ caniatewch amser ychwanegol i deithio a ddefnyddiwch llwybrau sy’n llai tebygol o gael eu heffeithio gan eira neu rew
🚗 arafwch a cadwch eich pellter”
Pwyll piau hi heddiw felly. Ac i gadw golwg am wasanaethau Cyngor Gwynedd sydd wedi eu heffeithio ewch draw i’r wefan.