Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Carwyn
Yn y blog heddiw: y diweddaraf o’r holl weithgareddau a digwyddiadau sy’n digwydd yng Nghanolfan Cefnfaes.
Os ydach chi’n dod draw, cofiwch ‘ychwanegu diweddariad’ eich hun – lluniau, fideos, sylwadau am bopeth i wneud â’r ŵyl.
Taith beics yn gadael Canolfan Cefnfaes- pob hwyl genod!
Bore ma, mi fydd Leisa Mererid yn arwain dosbarth ioga i deuluoedd yng Ngerddi Cymunedol Ffrancon o 10:30 – 11:15 yn seiliedig ar ei llyfrau plant diweddar – Y Goeden Ioga ac Y Wariar Bach. Dewch â matiau ioga lle bo modd. Gweithgaredd yn rhad ac am ddim.
Dyna ni am heddiw, mwy bore fory o Ŵyl Gwenllian 2023.
Manon Steffan Ros yn darllen o’i nofel Llyfr Glas Nebo.
“Am fraint cael bod yn ddisgybl Dyffryn Ogs”
Ysgol Dyffryn Ogwen a Rhiwlas cyn hynny yn pwysleisio dylanwad athrawon a rhieni oedd yn rhoi sylw mawr ar ddarllen.
Annes Glynn sy’n holi un o awduron mwyaf amryddawn yr ardal, Manon Steffan Ros.
Mae’n trafod ei nofel Castell Siwgr sy’n ystyried cyswllt Stad y Penrhyn a chaethwasiaeth.
Yr awdures o fri, Angharad Tomos sydd nesaf.
Er mai un o Ddyffryn Nantlle ydi Angharad, mae ganddi gyswllt amlwg gyda Dyffryn Ogwen.
Pan fyddai’n ymweld yn blentyn gyda’i Mam a dychwelyd i ardal ei mebyd hi, roedd hi wastad yn dweud yn bendant mai “hwn ydi’r lle gorau yn y byd”.
Pwy fysa’n dadlau efo hynny de!
Ar ôl te pnawn hyfryd yn cynnwys cynnyrch Cadwyn Ogwen a chyfle i weld llyfrau gan awduresau o Siop Ogwen, mae’r sesiwn nesa ar gychwyn.
Cawn glywed gan Alys Conran am nesa…