Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Carwyn
Yn y blog heddiw: y diweddaraf o’r holl weithgareddau a digwyddiadau sy’n digwydd yng Nghanolfan Cefnfaes.
Os ydach chi’n dod draw, cofiwch ‘ychwanegu diweddariad’ eich hun – lluniau, fideos, sylwadau am bopeth i wneud â’r ŵyl.
“Am fraint cael bod yn ddisgybl Dyffryn Ogs”
Ysgol Dyffryn Ogwen a Rhiwlas cyn hynny yn pwysleisio dylanwad athrawon a rhieni oedd yn rhoi sylw mawr ar ddarllen.
Annes Glynn sy’n holi un o awduron mwyaf amryddawn yr ardal, Manon Steffan Ros.
Mae’n trafod ei nofel Castell Siwgr sy’n ystyried cyswllt Stad y Penrhyn a chaethwasiaeth.
Yr awdures o fri, Angharad Tomos sydd nesaf.
Er mai un o Ddyffryn Nantlle ydi Angharad, mae ganddi gyswllt amlwg gyda Dyffryn Ogwen.
Pan fyddai’n ymweld yn blentyn gyda’i Mam a dychwelyd i ardal ei mebyd hi, roedd hi wastad yn dweud yn bendant mai “hwn ydi’r lle gorau yn y byd”.
Pwy fysa’n dadlau efo hynny de!
Ar ôl te pnawn hyfryd yn cynnwys cynnyrch Cadwyn Ogwen a chyfle i weld llyfrau gan awduresau o Siop Ogwen, mae’r sesiwn nesa ar gychwyn.
Cawn glywed gan Alys Conran am nesa…
Mae Rhiannon Gwyn yn trafod ei gwaith sy’n cyfuno clai a phrosesau serameg a llechi.
Ann Catrin Evans sy’n trafod ei gwaith nesaf. Mae hithau yn sôn am ei magwraeth yn Nhregarth a sut mae’r rhyddid o fod yng nghefn gwlad wedi dylanwadu arni.
“Mae’n rhan o’r gwreiddiau cryf sydd gen i,” meddai.
Mae’r sgwrs celf yn cael ei harwain gan Rebecca Hardy Groffith. Yn cychwyn gydag Anna Pritchard yn trafod ei gwaith sy’n dwyn ysbrydoliaeth o nodau clust defaid ac sydd i’w weld fel patrymau yn ei gwaith.
Mel Davies yn esbonio mai dathlu merched y Carneddau ydi thema Gŵyl Gwenllian eleni!