gan
Carwyn
Ydach chi’n rhagori mewn chwaraeon neu’n nabod rhywun sy’n anelu yn uchel mewn unrhyw gamp? Os felly efallai y gall elusen “Cofio Robin” fod o gymorth.
Mae’r elusen yn cynnig cymorth ariannol i unigolion o Wynedd a Chonwy o dan 25 oed sydd wedi gwneud eu marc ym myd chwaraeon ac yn anelu yn uwch.
Ers sefydlu’r elusen bedair blynedd yn ôl, mae dros £50,000 wedi ei gyfrannu i hyrwyddo chwaraeon, gyda’n agos i 60 o unigolion wedi eu cefnogi mewn ystod o chwaraeon: dringo a sgïo, nofio a chodi pwysau, pysgota a marchogaeth.
Ewch i’r wefan i weld mwy am yr elusen a pwy sydd wedi cael nawdd yn y gorffennol. Yno hefyd cewch gopi o’r ffurflen gais – bydd angen eu cyflwyno i Ymddiriedolaeth erbyn y dydd olaf o Fedi.