gan
Carwyn
Wedi seibiant dros y misoedd diwethaf mae Cyngor Cymuned Bethesda a Phartneriaeth Ogwen yn falch o gyhoeddi fod Llys Dafydd yn ail-agor ddydd Mawrth ar gyfer defnydd cymunedol.
Mae gwaith atgyweirio wedi’i wneud ar wal gefn y lleoliad ac mae bellach ar gael unwaith eto fel man ar gyfer gweithgareddau cymunedol, garddio, cyngherddau ac ati.
I ddathlu ail-agor y Llys bydd panad a sgwrs draw yno bnawn Mawrth, 6 Rhagfyr o 3 tan 5 y pnawn.
Beth am fynd draw i rannu’ch syniadau a chael trafod posibiliadau ar gyfer defnydd i’r dyfodol.