gan
Carwyn
Dr Dafydd Gwyn yn traddodi darlith agoriadol y penwythnos ar nos Wener.
Y Prifardd Ieuan Wyn agorodd y diwrnod gyda darlith ar thema Cynefin a Chymuned
Rebecca Hardy-Griffith, Darren Hughes, Sian Owen, Anna Pritchard ac Iwan Gwyn Parry fu’n trafod dylanwad Dyffryn Ogwen ar eu gwaith celf.
‘Crefft Gyntaf Dynol Ryw’ oedd teitl darlith Dafydd Fôn fu’n trafod amaethyddiaeth yn y Dyffryn.
Eleanor Harding a Lois Jones o’r Ymddiriedolaeth Genedlaethol oedd yn arwain y sgwrs am drefedigaethu a sut i gofnodi’r hanes anodd yma i ymwelwyr a’n cymuned.
Cafwyd darlith ddifyr am un o arwyr llenyddol y dyffryn – Caradog Pritchard – gan Menna Baines
Cafwyd cyfle i fwynhau cynnyrch Siop a Chadwyn Ogwen yn ystod y dydd ynghyd â chlywed am y gwaith arbennig yn narlith Meleri Davies o Bartneriaeth Ogwen
Roedd hi’n wych gweld Neuadd Ogwen yn ganolbwynt i ddiwrnod o sgyrsiau treiddgar heddiw wrth i nifer o drigolion yr ardal rannu eu gwybodaeth a phrofiadau arbennig am ein Dyffryn.
Diolch i Bartneriaeth Ogwen a phawb sydd wedi bod ynghlwm gyda’r trefnu – gan gynnig rhaglen o sgyrsiau diddorol am bob math o agweddau o’n Cynefin a Chymuned.
Cofiwch hefyd am y teithiau cerdded sy’n cael eu cynnal fore Sul, 19 Medi: 10yb
– Ynni Ddoe a Heddiw – Taith gerdded o Felin Fawr i Bont Ogwen yng nghwmni haneswyr lleol ac Ynni Ogwen Cyf; 10.30yb
– Taith Natur Ogwen – Ben Stammers, Ymddiriedolaeth Natur Gogledd Cymru, gyda’r sgwrs yn cychwyn o Cae Star.
(Lluniau Partneriaeth Ogwen)