gan
Huw Davies
Y llwyth enfawr a gasglwyd mewn awran!
Y safle cyn dechrau
Y safle ar ei newydd wedd
Ar ddiwrnod trymaidd o haf bu criw Balchder Bro a Dyffryn Gwyrdd wrthi’n chwysu a chwerthin wrth glirio sbwriel a oedd wedi’i dipio’n anghyfreithlon ar Lon Dinas, Tregarth.
Dros 30 sach o wastraff
Roedd Neville Hughes wedi gweld y llanast yn ddiweddar ac wedi cysylltu efo Harri Pickering, Cydlynydd Gwirfoddoli’r Dyffryn Gwyrdd i drefnu sesiwn glirio sbwriel.
Cafwyd dros deg sach ar hugain o wastraff, hen garpedi a chypyrddau cegin o’r safle ac fe’i casglwyd yn syth bin gan swyddogion Cyngor Gwynedd.
Dywedodd Huw Davies, Rheolwr Dyffryn Gwyrdd: “Rydym yn falch iawn o’r cyfle’i weithio gyda gwirfoddolwyr brwd y dyffryn ar wella’n amgylchedd ac yn ddiolchgar iawn i Gyngor Gwynedd am eu cymorth parod yn ein cynorthwyo ar sawl achlysur i glirio tipio slei bach.”
Os hoffech awgrymu rhywle sydd angen ei glirio yn y dyffryn, cysylltwch â Paul Rowlinson o Falchder Bro ar 01248 605365. Neu i gael mwy o wybodaeth am sesiynau casglu sbwriel cysylltwch â Harri o dîm Dyffryn Gwyrdd harri@ogwen.org.
Trosedd ddifrifol Mae tipio slei bach yn drosedd ddifrifol. Gall achosi niwed sylweddol i’r amgylchedd, yr economi ac ardaloedd lleol – gyda’r canlyniadau o hyd at £50,000 o ddirwy neu 12 mis o garchar i’r troseddwr.
I adrodd ar unrhyw achos o dipio slei bach yng Ngwynedd, ewch i: www.gwynedd.llyw.cymru a chliciwch ar ‘Adrodd Problem’ ar y dudalen gartref. Neu fe allwch gysylltu gyda thîm gorfodaeth stryd y Cyngor yn uniongyrchol drwy e-bostio gorfodaethstryd@gwynedd.llyw.cymru neu ffonio 01766 771000.